Tekirgöl Kasabasın Künlerĭ münasebetĭ men 26 Ağustos Pazar künĭ Romanya Müslüman Tatar Türklerĭ Demokrat Bĭrlĭgĭ’nĭñ Tekirgöl Subesĭ ve Tekirgöl Belediyesĭ bĭr kaş faaliyet tertĭpledĭler. Program’da “Tatar Küreşlerĭ Turnuvası”, “Tatar aşları sergĭsĭ” ve “Cawışlık” adlı tiyatro piyesĭ tabıldı.

Üyle saatlerĭnde başlagan “Tatar Küreşlerĭ Turnuvası” Tekirgöl kasabasın Stadyumında üş kategoride yasaldı.

Turnuvada başarılı bolgan küreşcĭler:

Tekirgöl caşlar kategoryasında:

Bĭrĭncĭ: – Erhan Salim

Ekĭncĭ: – Mustafa İsmail

 

18-22 yaş kategoryasında:

Bĭrĭncĭ: – Curti Denis – Asanşı (Valu lui Traian)

Ekĭncĭ:- Eduard Raicea (Moşneni)

 

OPEN kategoryasında:

Bĭrĭncĭ: – Gelil Denis – Asanşı (Valu lui Traian)

Ekĭncĭ: – Curti Denis – Asanşı (Valu lui Traian)

 

Küreşler’den soñra Romanya Müslüman Tatar Türklerĭ Demokrat Bĭrlĭgĭ Kadınlar Teşkilatı’nĭñ Tekirgöl, Agigea ve Eforie Şubelerĭnden hanımlar “Tatar aşları sergĭsĭ”n azĭrledĭler. Tekirgöl’de tabılgan turistler köbete, cantık, sarbırma, cuwurma, şüberek, baklawa’larnı bek begendĭler. Ayrıca sergĭde Tekirgöl Şubesĭ’nĭñ hanımları şuberek cayıp pĭşĭrdĭler.

Sergĭ’nĭñ artından RMTTDB Tekirgöl Şubesĭ’nĭñ Cansu halk oyınları ekibĭn üyelerĭ “Cawışlık” adlı tiyatro piyesĭn sundılar ve Necip Haci Fazıl’ın bĭr kaş menzümesĭn okıdılar.

RMTTBD’nĭñ başkanı Gelil Eserghep bey, 2012 Milletvekilĭ adayınız Varol Amet bey, şube başkanları ve üyeler, Tekirgöl Belediye başkanı Adrian Stan bey, Tekirgöl men kardeş bolgan Sicilia’dan Monte Bago kasaba’nıñ Belediye başkanı Kolagero İmpastato bey bo faaliyette tabıldılar. Konakbaylıknı RMTTDB Tekirgöl Şubesĭ’nĭñ başkanı Nail Duagi, komite üyelerĭ, Kadınalar Teşkilatın üyelerĭ ve Cansu halk oyınları ekibĭn üyelerĭ yasadılar.